एमाले अध्यक्षमा ओली र रावलको उम्मेदवारी दर्ता

चितवन ।
चितवनमा जारी नेकपा एमालेको १० औं महाधिवेशनमा अध्यक्षका लागि केपी शर्मा ओली र भीम रावलले उम्मेदवारी दर्ता गराएका छन् ।
अध्यक्षका लागि ओली र रावलको उम्मेदवारी सँगै दुवै नेताबीच चुनाव हुने निश्चत जस्नै बनेको छ ।
अध्यक्ष मण्डलका अध्यक्ष केपी शर्मा ओलीले घोषणा गरेको पदाधिकारी एवं सदस्यहरुप्रति असन्तुष्टि राख्दै आएका रावलले अध्यक्षमा उम्मेदवारी दिएका हुन् ।

ओली यसअघिका अध्यक्ष हुन् भने रावल यसअघिकै पार्टीको उपाध्यक्ष थिए । एमालेको जारी १० औं महाधिवेशनअन्तरगत नयाँ नेतृत्वका लागि अध्यक्षमा उम्मेदवारी दिएका रावलले उम्मेदवारी फिर्ता नलिने बताइसकेका छन् । त्यस्तै उपाध्यक्षमा हिजो राति ओलीले घोषणा गरेको पदाधिकारी सूचीमा नपरेका घनश्यम भुसाल र सचिवमा भीम आचार्यले पनि उम्मेदवारी दिएका छन् ।