सल्यानको कपुरकोटमा दुर्घटना, आठ जनाको मृत्यू

सुर्खेत ।
सल्यान जिल्लाको कपुरकोटमा जिप दुर्घटना हुँदा ८ जनाको मृत्यु भएको छ ।

बाँकेको ढकेरीबाट सल्यानको कपुरकोट गाउँपालिका रिमनजिकै दुर्घटना हुँदा ८ जनाको मृत्यु भएको जिल्ला प्रहरी कार्यालय सल्यानका डिएसपी दामोदर केसीले जानकारी दिए । उनका अनुसार जीपमा नौ जना सवार रहेका थिए ।

रा१ज ५६३ नम्बरको जिप सल्यानको कपुरकोट गाउँपालिका–३ मूलपानी नजिकै बुधबार विहान दुर्घटना भएको हो ।

मृत्यू हुनेहरुमा चालक जित बहादुर बोहोरा, धर्मा ओली, टोप बहादुर ओली, उनको छोरा बसन्त ओली, सुरेश खत्री खुमलाल ओली, कुमारी ओली र ललित ओलीको घटना स्थलमै मृत्यू भएको हो । उनका अनुसार शवलाई प्रहरी टोलीले उद्दार गरी सडकमा ल्याईसकेको छ भने जिल्ला अस्पताल सल्यानमा पोस्टमार्टमाका लागि ल्याउने तयारी भइरहेको हो ।

उनका अनुसार कपुरकोट गा.पा.६ जलबाँङ ३५ वर्षका तिलक ओली घाईते भएका छन् । उनको हाल प्रादेशिक अस्पताल दाङमा उपचार भईरहेको छ ।