ग्यास सिलिण्डर बोकेको ट्रक दुर्घटना हुँदा तीन जनाको मृत्यू

सुर्खेत ।
दैलेखेमा ग्यास सिलिन्डर बोकेको ट्रक दुर्घटना हुँदा तीन जनाको घटनास्थलमै मृत्यु भएको छ भने एक जना घाइते भएका छन् ।

जिल्ला प्रहरी कार्यालय दैलेखका अनुसार गुराँस गाउँपालिका–४ तालपोखरी बजारनजिक आज बिहान नेपालगञ्जबाट दैलेखका लागि ग्यास लिएर जाँदै गरेको भे १ ख २२०१ नम्बरको ट्रक दुर्घटनामा परी चालकसहित तीन जनाको मृत्यु भएको हो ।

मृत्यु हुनेहरूमा चालक कृष्ण चौधरी, लक्षिराम चौधरी र विष्णु चौधरी रहेको जिल्ला प्रहरी कार्यालय दैलेखका डीएसपी किसोर लम्सालले जानकारी दिए ।

उनका अनुसार सहचालक प्रकाश कुमाई घाइते भएका छन् । ट्रक सडकबाट झन्डै १५० मिटर तल खसेको छ ।