१३ औं राष्ट्रपति रनिङ्ग शिल्ड प्रतियोगिताः कर्णालीले जित्यो दुई स्वर्ण

सुर्खेत ।
काठमाडौंमा जारी १३ औं राष्ट्रपति रनिङ्ग शिल्ड प्रतियोगितामा कर्णाली प्रदेशले दुई स्वर्णपदक जितेको छ । कर्णाली खेलकुद विकास परिषदका उपाध्यक्ष प्रमोद हमालका अनुसार हालसम्म कर्णालीले दुई स्वर्ण, एक रजत र तीन कास्य पदक प्राप्त गरेको छ ।

उनका अनुसार सरिता खड्काले चार सय र आठ सय मिटर दौडमा दुई स्वर्ण जितेकी छिन् भने ८०० मिटर दौडमा प्रकाश बुढाले रजत पदक जित्न सफल भएका छन् ।

यस्तै, कराँते काँतामा लक्ष्मण कुमार शाही, प्रियंका शाहीले कास्य जित्दा एक सय मिटर दौडमा सुशिल ओलीले कास्य जितेका छन् ।