सुर्खेतकाे गुटुबाट तीन प्रहरीसहित २७ जुवाडे पक्राउ

सुर्खेत ।
जिल्ला प्रहरी कार्यालय सुर्खेतले जिल्लाको पश्चिम क्षेत्रमा पर्ने चौकुने गाउँपालिकाको वडा नं. ६ बाट गयराती तीन जना प्रहरीसहित २७ जनालाई पक्राउ गरेको छ ।

प्रहरीले २७ जनालाई गयराती उक्त वडाको जुम्लीमुडबाट नियन्त्रणमा लिएको बताइएको छ ।

‘हिजो राती तीन जना प्रहरी, चार जना  शिक्षक र केही स्वास्थ्यकर्मी र राजनीतिक दलका कार्यकर्तासहित ठूलो संख्यामा प्रहरीले जुवाडेलई रंगेहात नियन्त्रणमा लिएको छ ।’ सोतले पहिलोप्रेसलाई भन्यो, ‘त्यहाँ सधैं जुवा खेलाउने काम भइरहने गरेकोमा प्रहरीले यसपटक नियन्त्रणमा लिएको हो ।’

यता, जिल्ला प्रहरी कार्यालय सुर्खेतका सूचना अधिकारी एवम डीएसपी लक्ष्मण बहादुर शाहीले २७ जना जुवाडे पक्राउ गरेको पुष्टि गरे ।

‘बाबियाचौरबाट खटि गएको प्रहरीले तीन जना प्रहरी (एक शसस्त्र र दुई जनपद) लगायत २७ जनालाई नियन्त्रणमा लिई जिल्लामा पठाएको छ । अहिले हामीले स्वास्थ्य जाँच्को लागि प्रदेश अस्पताल कालागाउँमा पठाएका छौं । उनिहरुबाट नगद दुई लाख २८ हजार पनि बरामद गरिएको छ ।’ उनले भने, ‘उनीहरुको सबै नाम र विवरणसहित हामी केहि समय पछि सार्वजनिक गर्छौं ।’