आफ्नो घरमा पहिरोको डर मानेर छिमेकमा सुत्न आएका छिमेकीसहित ६ जनाको मृत्यू, एक वेपत्ता

सुर्खेत ।
जुम्ला जिल्लाको कनकासुन्दरी गाउँपालिका वडा नं. पाँचको मोपरिवाडामा गणेशबहादुर शाहीको घरमाथिबाट पहिरो आउँदा ६ जनाको मृत्यू भएको छ ।

दुइ जना घाईते भएका छन भने एक जनाको उद्धार गर्ने कार्य जारी रहेको प्रदेश प्रहरी कार्यालय कर्णाली प्रदेशले जनाएको छ ।

प्रहरी नायव महानिरीक्षक पोषराज पोखरेलका अनुसार गणेश वहादुर शाहीको घरमा उनका छिमेकी सहित गएराती नौ जना सुतिरहेको समयमा विहान अन्दाजी ४ बजे एक्कासी पहिरो आएको थियो ।

पहिरोमा परेर ६ जनाको मृत्यू भएको छ भने दुइ जनालाई हेकिप्टरमार्फत उपचारका लागि लैजाने तयारी भइरहेको छ ।

अन्दाजी २२ वर्षका विद्या हमाल अहिले पनि हराइरहेका छन भने प्रहरीको टोलीले खोजतलाश जारी राखेको उनको भनाई छ ।

‘गणेशका छिमेकीको घर माथि पहिरो आउने डरले उनीहरु गणेशको घरमा हिजो सुत्न आएका रहेछन् ।’ उनले भने, ‘हिजो राती आएको पहिरोमा गणेशको परिवारसहित उनीहरु पनि परे ।’