बाढीले बगाएको झोलुंगेपुलमाथि सत्ता गठबन्धन विरोधी खेमाको राजनीति, बनाईदै भाईरल

सुर्खेत ।
आइतबार साँझ देखि कालिकोट जिल्लाको शुभकालिका गाउँपालिका र नरहरीनाथ गाउँपालिकाको जितेगडामा बनेको झोलुंगे पुलमा भ¥याङ्ग लगाइएको एक पुलको तस्वीर सामाजिक सञ्जालमा भाइरल भइरहेको छ । चुनावको मुखैमा कतिपयले यसलाई राजनीतिक मसला बनाएका छन् भने कतिपयले यसलाई पूर्वमुख्यमन्त्री महेन्द्रबहादुर शाहीसँग जोडदै अर्नगल प्रचार गर्दै आइरहेका छन् ।

खासगरी नेकपा एमाले निकटका सामाजिक सञ्जाल प्रयोगकर्ताले यसलाई राजनीतिक मसलाको रुपमा अथ्र्याउन थालेका छन् ।

सामाजिक सञ्जालमा भाइरल भएको उक्त पुलको बास्तविकता भने फरक छ । असोज १९ गतेदेखि आएको बाढीका कारणले कर्णालीमा ठूलो धनजनको क्षति ग¥यो । सोही बाढीले कर्णाली नदीमा रहेको जितेबजार र लालीघाट बजार जोड्ने झोगुङ्गे पुलको एकतर्फको भाग बगायो ।

कर्णाली करिडोर र कर्णाली राजमार्ग जोड्ने पुल भएका कारणले आवातजावतमा समस्या उत्पन्न भएपछि सहजताका लागि पुल चढ्न भ¥याङ लगाइएको हो । यद्यपी यो पुलको नजिकै सय मिटरको दुरीमा पक्की सडक पुल सञ्चालनमा आइसकेको छ ।

कालीकोट पश्चिम भाग, बाजुराको पूर्वी भाग, मुगुको पश्चिम भाग र हुम्लाका तल्लो क्षेत्रका बासिन्दाहरुले प्रयोग गर्ने प्रमुख मार्गमा यो पुल छ ।

आवतजावतमा समस्या आएपछि लालीघाट बजार, जितेबजार र त्यहाँका यातायात व्यवसायी मिलेर शनिबार भ¥याङ लगाइएको लालीघाटका यातायात व्यवसायी काउन्टरका इन्चार्ज खड्कराज रोकायाले बताए ।

‘सामाजिक सञ्जालमा राजनीतिक खिल्ली उडाएजस्तो यो पुलको समस्या हैन्,’उनले भने,‘नागरिक आवातजावतमा समस्या भएपछि हामी स्थानीय सरोकारवाला मिलेर भ¥याङ बनाएका हौं ।’

भ¥याङ लगाउँदा नागरिकलाई आवातजावतको समस्या समाधान भएको कालीकोट पलाँता गाउँपालिका–८ थिर्पुका स्थानीय सुर्जन रोकायाले बताए । ‘बाढीले झोगुङ्गे पुल क्षति पु¥याएपछि आवातजावतमा निकै समस्या रहेको थियो’, उनले भने,‘भ¥याङ लगाउँदा तत्कालका लागि समस्या समाधान भएको छ ।’