आठबीस शिक्षा क्याम्पसले खुलायो साधारण सदस्यता

सुर्खेत ।
दैलेखको आठबीस शिक्षा क्याम्पसले इच्छुक नेपाली नागरिकलाई सधारण सदस्य बन्न आव्हान गरेको छ । क्याम्पस प्रशासनले एक सूचना जारी गर्दै पुस २२ गते बसेको क्याम्पस सञ्चालन समितिको वैठकले साधारण सभा सञ्चालन गर्न उक्त आव्हान गर्ने निर्णय गरेको हो ।

सदस्यताका लागि नेपाली नागरिकले पुस २४ गतेदेखि एक महिनासम्म आवेदन दिन सक्नेछन् । साधारण सदस्य बन्न रु एक हजार देखि २४ सय ९९ रुपैंया सम्म तोकिएको हो ।