मुख्यमन्त्री कार्यालय, विभिन्न मन्त्रालयले मुख्यमन्त्रीसहित मन्त्रीलाई विदाई गर्दै

सुर्खेत ।
कर्णाली प्रदेश सरकारका मुख्यमन्त्री जीवनबहादुर शाहीसहित आठ जना मन्त्रीलाई मुख्यमन्त्री तथा मन्त्रीपरिषदको कार्यालय कर्णाली प्रदेशले अहिले विहान ११ बजे विदाई गर्ने भएको छ ।

मुख्यमन्त्री कार्यालयका अनुसार मुख्यमन्त्रीसहित मन्त्रीहरुलाई धन्यवाद ज्ञापन गर्न उक्त कार्यक्रमको आयोजना गरिएको हो ।

यस्तै, आर्थिक मामिला तथा योजना मन्त्रालयले दिउसो एक बजे मन्त्री कृष्णा शाहको विदाई गर्ने कार्यक्रम तय गरेको छ भने सामाजिक विकास मन्त्रलयले विहान ११ बजे मन्त्री यज्ञबहादुर बुढाक्षेत्रीको विदाई गर्ने तयारी गरेको छ ।

यद्यपी यो कार्यक्रम मुख्यमन्त्री कार्यालयसँग जुधेका कारण समय हेरफेर हुने सम्भावना रहेको बताइएको छ ।