सुर्खेत प्रहरीद्धारा ७ नाल भरुवा बन्दुक बरामद

सुर्खेत ।
जिल्ला प्रहरी कार्यालय सुर्खेतले सात नाल भरुवा बन्दुक बरामद गरेको छ । बुधबार विहान लेकबेशी नगरपालिकाको वडा नं. पाँचको तल्लो कफलेनी भन्ने स्थानमा प्रहरीले उक्त परिमाणमा बन्दुक फेला पारेको जिल्ला प्रहरी कार्यालय सुर्खेतका डिएसपी लक्ष्मण शाहीले जानकारी दिए ।

‘अ.प्र.पोष्ट नेटाबाट प्र.स.नि. तारा बहादुर डांगीको कमाण्डमा ३ जनाको प्रहरी टोलीले गस्ती गर्दै जाने क्रममा अ. ११ः५५ बजेको समयमा जिल्ला सुर्खेत लेखबेशी न.पा. ५ स्थित तल्लो कफलेनी भन्ने स्थानमा भेडाखोर जंगलको ढुङ्गाको ओडारमुनी बेबारिसे अबस्थामा लुकाई छिपाई राखेको ७ नाल भरुवा र १ थान बन्दुकको खाली नाल फेला पारेको हुँदा उक्त भरुवा बन्दुक नियन्त्रणमा लिई आवश्यक अनुसन्धान भईरहेको छ ।’ उनले भने ।