जेठ १३ देखि वीरेन्द्रनगरमा रिङ्ग रेस्लिङ्ग महाभिडन्त हुँदै

सुर्खेत ।
कर्णाली प्रदेशको राजधानी वीरेन्द्रनगरमा जेठ १३ गते देखि महिला तथा पुरुषको रिङ्ग रेस्लिङ्ग महाभिडन्त हुने भएको छ ।

७२ औँ मदन भण्डारी जयन्ती दिवसको अवसर पारेर उक्त प्रतियोगिता आयोजना गर्न लागिएको एकेडेमीका केन्द्रीय उपाध्यक्ष तेज विक्रम बस्नेतले जानकारी दिए ।

प्रतियोगितमा महिला र पुरुष गरी २५ जना खेलाडी सहभागी हुने प्रतियोगितामा विजेता लाईट वेट, ट्याग टिम च्याम्पियनले ५०÷५० हजार पाउने छन् ।

महिलातर्फ लेडिज वेट च्याम्पियनले ६० हजार, मिडल वेट च्याम्पियनले ७० हजार, हार्डकोडर च्याम्पियनले ७५ हजार र हेभि वेट च्याम्पियनले १ लाख ५ हजार नगद सहित सबै विजेताले मेडल र प्रमाणपत्र सहित च्याम्पियन बेल्ट पाउने छन् ।
प्रतियोगिताका लागि १२ लाखसम्म खर्च हुने आयोजनकले जनाएको छ ।