साउन तीस गते प्रधानमन्त्री प्रचण्ड सुर्खेत आउने

सुर्खेत ।
नेकपा माओवादी केन्द्रका अध्यक्ष एवम प्रधानमन्त्री पुष्पकमल दाहाल प्रचण्ड साउन ३० गते सुर्खेत आउने भएका छन् । पार्टीले आयोजना गरेको तीन दिने प्रादेशिक प्रशिक्षण कार्यक्रममा सहभागि हुन उनि यहाँ आउन लागेका हुन ।

उनिसँगै उपमहासचिवद्वय जनार्दन शर्मा प्रभाकर, शक्ति बस्नेत, पूर्व मुख्यमन्त्री महेन्द्रबहादुर शाही लगायतका नेताहरु सहभागि हुने बताइएको छ ।

‘प्रधानमन्त्रीसँगै अरु नेताहरु को को आउने भन्ने बारेमा आज साँझसम्म टुंगो लाग्छ ।’ प्रदेश अध्यक्ष विमला केसिले भनिन्, ‘प्रदेश इन्चार्जलगायतका धेरै नेता कार्यकर्ताहरु आउने पक्का भएको छ ।’

उनका अनुसार सिटि हलमा आयोजना गरिएको उक्त कार्यक्रममा पार्टीका पालिका कमिटिका पदाधिकारीहरु भन्दा माथिका सबै कार्यकर्ता, जनवर्गीय संगठनका केन्द्रीय सदस्यहरुको सहभागिता रहने छ ।

प्रधानमन्त्री प्रचण्डले साउन तीस गते प्रशिक्षण कार्यक्रमलाई सम्वोधन गर्नेछन भने साउन ३१ र ३२ गते अन्य नेता कार्यकर्ताले प्रशिक्षण दिने कार्यक्रम तय भएको उनको भनाई छ ।