अज्ञात समूहद्वारा मोटरसाइकलमा आगजनी

सुर्खेत ।
सल्यान बनगाड कुपिण्डे नगरपालिकामा ३ औलबेशीमा अज्ञात समुहले राति मोटरसाइकलमा आगजनी गरेका छन ।

रा ४ प ६३१६ नम्बरको मोटरसाइकलमा राती स्कुल भित्र चयन गेटमा ताला लगाएर दुईवटा मोटरसाइकल सङ्गै राखिरहेको अवस्थामा एउटा बाइक पुरै आगजनी गरेर पुर्ण रुपमा क्षती भएको मोटरसाइकल मालिक मोहन बटालाले जानकारी दिए ।

‘श्री मुक्ति मावी औलवेशी भवन भित्र पार्किङ्गमा राखिएको मोटरसाइकललाई राती आगजनी गर्नको लागि भवनको माथी छतबाट भित्र गएर छानीछानी सङ्गै राखिराखेको दुई वटा मोटरसाइकल मध्य मेरो मात्र आगजनी गरिएको र त्यो खास व्यक्तिगत कसैले रिसिभी गरेर जलाएको हुन सक्ने मेरो अनुमान छ ।’ उनले भने, ‘बाइक जलाउने व्यक्तिले मेरो ज्यान पनि जोखिममा पार्न सक्ने भय पैदा भएको छ ।’

उनि उक्त विद्यालयको गणित शिक्षक समेत हुन ।