सोसेक दैलेखद्वारा जाजरकोटका डेढ सय परिवारलाई राहत वितरण

सुर्खेत ।
सामाजिक सेवा केन्द्र सोसेक दैलेखले जाजरकोटका एक सय पचास भूकम्पपीडित परिवारलाई राहत वितरण गरेको छ ।

संस्थाले कात्तिक १७ गते जाजरकोट केन्द्रविन्दु बनाएर गएको भूकम्पपश्चात घरवार विहीन भएका पीडितहरुलाई प्रति घरपरिवार ८ हजार ६१० रुपैंया बराबरका राहत सामाग्री वितरण गरेको हो ।

संस्थाले १२ लाख ९१ हजार ५९० रुपैंया बराबरका राहत सामाग्री खरिद गरेर वितरण गरेको हो ।

राहत सामाग्रीमा संस्थाले प्रतिपरिवार पाँच किलो तौल भएका दुई व्ल्यांकेट, दुई सल, एक थर्मस र ८ मिटर प्रिफर्म वितरण गरेको संस्थाका कार्यकारी निर्देशक हिरासिंह थापाले जानकारी दिए ।