एमाले अध्यक्ष ओली सुर्खेत आउँदै, दुई बजे वीरेन्द्रनगरमा सम्वोधन गर्ने

सुर्खेत ।
पूर्व प्रधानमन्त्री एवम नेकपा एमालेका अध्यक्ष आज दिउसो दुई बजे वीरेन्द्रनगर आउने भएका छन् ।

एमाले जिल्ला कमिटि सचिव कविन्द्र कुमार केसीका अनुसार मध्यपहाडी लोकमार्ग अन्र्तगतको संकल्प यात्राको क्रममा आज दिउँसो अध्यक्ष ओलीसहितको टोली वीरेन्द्रनगर आउने भएको हो ।

‘अहिले दैलेखको विभिन्न पालिकामा उहाँ सहभागि भइरहनु भएको छ । आज दिउसो एमाले पार्टी कार्यालय चोकमा वृहत आमसभा गर्ने तयारी हामीले गरेका छौं ।’ उनले भने, ‘पानीले अवरुद्ध नपारेको खण्डमा दिउसो दुई बजे उहाँले सम्वोधन गर्ने कार्यक्रम तय भएको छ । यसका लागि त्रिपाल टाँग्ने काम भइरहेको छ ।’