सहारा क्याम्पसका अध्यक्ष सुवेदीको उपचारको क्रममा निधन

सुर्खेत ।
सुर्खेतमा कुशल समाजसेवीको रुपमा क्रियाशील साहारा क्याम्पस सुर्खेतका वर्तमान अध्यक्ष ओम प्रकाश सुवेदीको आज निधन भएको छ । जिल्ला बाल संगठन सुर्खेतका वर्तमान सभापति, ग्रामीण जागरण बचत तथा ऋण सहकारी लिमिटेडका संस्थापक तथा वर्तमान अध्यक्ष, समाज जागरण केन्द्र स्याक का संस्थापक तथा पुर्व महासचिव, जागरण बहुउद्देश्यीय सहकारी लिमिटेड का पुर्व अध्यक्ष, सुवेदी कल्याण प्रतिष्ठान, सुर्खेतका वर्तमान अध्यक्ष, नेप्सपुन का कर्णाली प्रदेश सदस्य, नेकपा एमाले सुर्खेतका तत्कालीन जिल्ला निर्वाचन परिचालन समीति सदस्य, जिल्ला प्रतिनिधि परिषद्को पूर्व सदस्य एवं युवा नेता सुवेदीको उपचारको क्रममा आज अपराह्न १ः३० बजे ह्याम्स अस्पताल काठमाण्डौमा निधन भएको हो ।
बुधबार विहान ११ बजे देखि उनको निवास वीरेन्द्रनगर–१२, नेवारेमा श्रद्धान्जली कार्यक्रम हुने भएको आफन्तले जनाएका छन् ।